this lyric was wrote by Shahir, thanks to him because has the effort. Althought i'm a Kelantanese, i don't know some of the words. Maybe it's words that been use by old-old people.

Halim Yazid - Bangkit Asal pt 1

Nok bangkit asal ambo nok ghoyak titih
Adik kakok kalu nok dengar skali ni gak nyo buleh
Diri ambo bergelar Halim bin Yazid bin Awang Teh
Asal di kampung Changa dale jajahe Pasir Puteh

25 Oktober tahun 60
Ambo lahir ke dunio di serambi gelegar buloh
Tinggal kandunge bonda dinihari awal Subuh
Ambo celik mato tengok ale ni lawa sunggoh

Ambo pun besar dengan penuh kasih saye
Dale sebuah bangsal berdiri atas tanah oghe
Ayah selalu tinggal gi pagi kelik male
Khijo cari samah seghiya nok buwi ambo make

Umo 7 tahun ambo pun ngaji skoloh
Anak murid tigo butir kampung pakat duduk satu darjoh
Cikgu cikgu sanjung kata hati ambo cerah
Tolok kali bagi campur ambo congok jawab mudoh

Naik tingkate skoloh menengah Tok Janggut
Malu tu gak ko oghe baju caghik seluar buruk
Keno bayar yure, tambe bas ngan beli bok
Ayah pakso jual aye hok dio saye dale peghekuk

Perikso SPM ambo buleh gred 1
Naik tingkate 6 keno pindoh ko skoloh baru
Di skoloh menengah Kamil hati ambo bertamboh sayu
Saing sekelah oghe sene sene nok masuk dekat ambo raso malu

Bose ko drebar bas dok mitok pitis hari hari
Doh tambe hok bule lepas ngan bule ni tok bayar lagi
Bokali ambo ni hagah tapi malu ko diri sendiri
Ambo lopat turun bas galas beg berjale kaki

Dari kampung Changa ko skoloh menengah Kamil
Sikit jale banyok beghungga ngan air mato berline line
hari hari lapar jaghe benar hari kenye
Pitis poket seminggu seghiya pado wat beli baik ambo sipe

Hari skoloh umum keputuse STP
Saing saing maghi kerumun dok pakat cuih dok pakat puji
Bele bele senyum ambo tanyo bakpo gak ni?
Saing kata hebatnyo mung keputuse mung tinggi sekali

Puah ayoh mikir nak cari 1000 ghiya
Doh ambo keno panggil masuk ngaji di U Malaya
Korek abih tukir bawah buku celah bata
Jale yang terakhir tanah sebucu tu ayah jual

Ambo tinggal kampung dengan berline air mato
Sapa Kualo Lupo takdok waris sedara mara
Dengan baju selai sepunggung daftar U tahun pertamo
India Cina pakat lingkung kato budok daghat maghi mano?

Ambo masuk U ayah pindoh ko Gua Muse
Ambo mengadap buku ayah menebas tanah hute
Sedih bercampur sayu teringat ko ayah ambo soghe
Lo ni ambo gaji beribu nok balas jaso ayah tok pade

Nak bangkit asal ambo nok ghoyak titih
Adik kakak kalu nok dengar hari ni gak nyo buleh
Diri ambo bergelar Halim bin Yazid bin Awang Teh
Asal di kampung Changa dale jajahe Pasir Puteh